قصة اعتراف بالحب ((كويتيه))

عقب ماراح ضاري
فطوم : واي يمه فديته
شهد : فديتيه ها يالعوبه
ملاك : تراها ماتحبنا كثر ماتحبه
فطوم : يعني قايله شي يديد
ملاك : واااي نذله
شهد : شحقه تمدحينها P:
ملاك : أي صح عندها كلمة نذله مدح اما طيبه مسبه
فطوم : واي اف يغاروون
شهد : على شنو ياحظي
فطوم : لاتخليني اقوم اعضج
شهد : لايبا فاره انتي قعدي لاتعضين ولاهم يحزنون
قامت فطوم رشت رشه من البحر على شهد
شهد : ويعه دش بحلجي
فطوم : كيفيييي
ملاك : مادري متى بتكبرين
فطوم واهي تربع ايدها وتبوز : مابي اكبر
ظلوا يضحكون ويسولفوون
فطوم : يؤؤؤؤؤؤؤؤؤؤؤؤ
شهد : شفيج
فطوم : امي قالتلي طلعي الغيتار ويبي السويج نسيت
ملاك : شنو يعني شبتسوين فيها بتسوقين
فطوم : ومنو قالج اني ماسقت
حطت ايدها على حلجها وقالت بقلبها ياربي انا ماعرف اخش شي
شهد : نــــــــــــــعـــــــــــــــمـ؟
فطوم : ها كنت اضحك وياكم
ملاك : ماضحكتي يعني موقاعده تضحكين ويانا انتي مينونه لو ماسكينج ومن دون ليسن بعد ؟
فطوم: يوه عاد محاضرات شهد وملاك ماتخلص
شهد : امشي خل اشوف وين صافطه السياره لان لو امي لاحظت ان السياره تحركت شوي بتعرف ان انتي ماغيرج ملقوفه
فطوم : انزيييين لاتزفوون
ملاك : يلا امشوا اول شي نشوف السياره بعدين نودي السويج
راحو البنات علشان يتأكدون ان السياره بمصفطها عدل
شهد : بالله كانت السياره بالمصفط الي يمه شوداها هني
فطوم : اقول صفطيها عدل ولا تحجين وايد ترى عورتي راسي ترى ماحب انزف
ملاك : واحنا بس الي نحصل زف على شانج ؟
فطوم من دون ولا كلمه خذت غيتارها وراحت حق امها
ملاك : ماحبها لما تعطيني ظهرها وماترد علي هالبنت
شهد : المفروض احنا نسوي نفسها شرايج اليوم انفس عليها ؟
ملاك : اوكي

ام ابراهيم : ها اكيد يعتي علشان جذي يتي صح
فطوم : أي يمه تكفين ميته يوع
ام ابراهيم : روحي طلبي وتعالي قعدي معانا
فطوم : انزين
راحت فطوم طلبت لها ايس كريم وردت
ام ابراهيم : هاذي الي ميته يوع انا عبالي الحين بتغزين ماك من اليوع شريتي بس ايس؟
فطوم : مادري
ام ابراهيم : انزين وين البنات ؟
فطوم : مادري عنهم
شهد : كانا يمه
فطوم واهي رافعه راسها اطالعهم : ها من وين ياين
شهد صدت عنها وماردت
ام ابراهيم : ترى اختج كلمتج
شهد : ادري اسمع يلا انا بروح اطلب تعالي ملاك
ملاك : اوكي
فطوم انقهرت بقلبها لان اهم الثنتين راحو من دونها بس سوت نفسها مو مهتمه
ام ابراهيم واهي اطالع فطوم : ها عزفتي
فطوم : أي
ام عذاري : ماشاء الله تعرفين تعزفين ؟
فطوم : أي افا عليج
ام عذاري : فديتج حركات
فطوم : شي طبيعي هههه
ام عذاري : خلاص ان شاء الله وقت ثاني تسمعينا من عزفج وتغنين لنا
فطوم : ماطلبتي شي لو بغيتي عيوني عطيتج ياها
ام عذاري : حياتي انتي
ام ابراهيم : فطوم قومي حبيبتي روحي ناديهم قوليلهم ياخذون الاكل تيك اوي علشان بنمشي بروح اشتري جم شي ونرد البيت وراج مدرسه انتي
فطوم تقوم بملل : انزين
راحت صوب ملاك وشهد واهي ماسكه غيتارها : خلصونا امي تقول اخذو الاكل تيك اوي بنمشي
شهد وملاك : ..............
فطوم : ويعه ليش ماتردوووون
شهد وملاك : ...................
فطوم : شنو سابتكم انا غالطه بحقكم ؟
شهد : يلا امشي خلص الطلب
ملاك : يلا
وخلوا فطوم بحالها واقفه مكانها
واقف شاب ورا فطوم : ياعيني حركات نفس غيتاري
فطوم بقلبها : بشر امك
صدت عنه ومشت
ام ابراهيم : يلا بنات امشوا مشكوره حبيبتي ام عذاري على هالطلعه ان شاء الله نطلع مع بعض وقت ثاني
سلموا كلهم على بعض وطلعوا
بالسياره سكوت
ام ابراهيم : غريبه ماسمع صوت احد
فطوم فيها ضحكه على كلام امها
ام ابراهيم : حاسه فيج فطيم بطي الضحكه بطيها
فطوم ضحكت من قلب
ام ابراهيم : شفيهم الي قاعدين ورا مايتحجون
فطوم : مادري تيلهم عرات
ام ابراهيم : شهد ترى انا اكلمج شفيج على اختج
شهد : يمه انتي ماتشوفينها كله تبي تمشينا بمزاجها
ملاك : وكلمة الحق ماتبي تسمعها
فطوم : اهم شي امشيكم على مزاجي منو انا علشان امشيكم بمزاجي وملاك اذا انتي تقولين انا ماحب اسمع كلمة الحق خلاص لاتقولينها
ام ابراهيم : خلاص سكتوا تفاهموا بالبيت
فطوم : انزين وين بنروح ؟
ام ابراهيم : بروح اشتريلي عدسات وجم بدله منو بينزل معاي
الكل : انا
ام ابراهيم : نزلوا
اشترت ام ابراهيم عدسات زرقه ورماديه
اما فطوم وملاك وشهد شتروا العدسات الـcrazy
فطوم : قلاده
شهد : انتي
فطوم : انتي
شهد : انتي
ملاك : فشلتونا سكتوا
فطوم : انزين
كملت فطوم طريجها جدام عند ام ابراهيم
فطوم : يمه خل نشتري انا وياج نفس البدي شوفي هاذا الي بزارا اينن
ام ابراهيم : خل ناخذ حق ملاك وشهدو نفسنا
فطوم : اوكي
اشتروا بدي ازرق ضيج طويل فوق الركب
شهد : حق منو اربع ؟
ام ابراهيم : حقنا اربعتنا
شهد : اها ذوق منو
فطوم : انا حبيبتي انتي ان شاء الله اعجبج
شهد : شفتي شقصد يمه ؟
ام ابراهيم : شنو ؟
شهد : شوفي شلون تغير مزاجها الحين ؟
ام ابراهيم : انا اشوفها عادي شهد سكتي عن اختج
فطوم وفيها بجيه : والعنه عساج مارضيتي
شهد صدت عنها اهي وملاك
ام ابراهيم : يلا امشوا نرد البيت فطوم عندها مدرسه باجر
شهد : ليش الساعه جم ؟
ام ابراهيم : الساعه 10
ركبوا السياره وعلى مسافة الطريج نامت فطوم شافتها ام ابراهيم وسكتت شوي
ام ابراهيم : شهد شحقه تسوين جذي بأختج ؟
شهد : يمه ماقدر استحمل اشوفها تسوي الي تبيه وعبالها الناس ملكها
ام ابراهيم : هاذي اختج الصغيره واذا ماتدللينها انتي منو يدللها
شهد : ماراح تفهميني
ام ابراهيم : بلى فاهمتج ادري فطوم مزاجيه بس ليش مانمشي على مزاجها لين اهي تحس على نفسها
شهد : بنتج عمرها ماتحس بنفسها دام انتي مدلعتها هالدلع
ام ابراهيم : خلاص سكري الموضوع مهما يكون هاذي اختج
ملاك : يلا ماعليه شهد كلام خالتي صح
فطوم سمعت كل هالكلام واهي تدمع وتقول بقلبها هاذا وانا نايمه جذي يتحجون عني لو ميته شيقولون ردت غمضت عينها وطبعا شهد بوسه على خد اختها لان كسرت خاطرها
شهد واهي تساسرها : ادري انج قاعده تسمعين لانج مادمعتي بدون سبب
فطوم بطلت عينها شافتها وردت غمضتها
شهد : دلوعه
فطوم : انتي

لين وصلوا البيت راحت فطوم تكمل نومتها بغرفتها وشهد وملاك سهرانين على الابتوب
اما ام ابراهيم راحت غرفتها تنام

شهد : ملاااقه شرايج ندق على عيسى خل ايي ماعنده شي باجر اكيد سهران
ملاك : شوفي دقي
شهد واهي ادق على عيسى

عيسى : الووو
شهد : الواااااااات عيسوو وينك
عيسى : ماكو ضايق خلقي قاعد بروحي اطالع التلفزيون ابي النومه تيني مو قادر
شهد : دام جذي شرايك تيي عندنا نسهر
عيسى : فطوم قاعده باجر ماعندها دوام؟
شهد : لا نايمه بس انا وملاك قاعدين
عيسى : اها خلاص انا الحين يايلكم بس عاد خلولي الباب امبطل فشله اسوي ازعاج واطق الجرس
شهد : انزين ناطرينك

سكره عيسى من شهد وركض خذا سويج سيارته وحرك

شهد وملاك طالعوا فلم the eye لين وصل لهم عيسى
ضحك وسوالف بس عيسى الوحيد الي كان صوته عالي

اما الصوب الثاني فوق فطوم قعدت من النوم عطشانه بس سمعت صووت صبي اخترعت
فطوم : واي يمه شكله يبي يدش يبوقني شسوي الحين اروح اقعد امي ؟ لا اخاف يطلع التلفزيون وتزفني يوووه خل اروح اشوف بنفسي

بطلت فطوم كبتها وخذت السيوره الي اهي خاشتهم للحاجه لوول علشان اذا سواها شي اتنبطه بوراق فيه خخخخخخخ
((ماشاء الله عليها فلته بالحركات))

فطوم : ياربي صرت نفس home alone هاذا وقته

نزلت فطوم على اطراف اصابعها والروب مهتمل عليها مو لابسته عدل وشعرها نصه طايح على ويها ونصه مربوط

شهد : بسم الله خرعتينا ويعه
فطوم : واي شهدو توني سمعت صوت صبي يخرع
عيسى واهو يطلع بويها : انا صوتي يخرع
فطوم مسكت قلبها من الخوف: ويعه عساك ماتوفق جذي تخرعني
عيسى : ليش اخرعج عمرج شفتي ملاك يخرع ؟
فطوم : محد ملاك انت وويهك ملاك برونزي ؟ هههههههه
عيسى : عاد هالشي مو شغلج انا غبي زايد التان
فطوم : الاعتراف بالحق فضيله
عيسى : لا مو فضيله فطوم ههههههه
ملاك : لا يتني البجيه من ملاقتكم
شهد : امبي فطوم شمقعدج امي لو درت انج قاعده الحين بتحرمج من الطلعه باجر لو بغينا نطلع
فطوم : يووووه كنت بشرب ماي بس سمعت صوت هالمليق اخترعت وشوفي
فطوم واهي اطلع ايدها
شهد : اووووووله شنو كل هالسيور
فطوم : هذولي للحاجه اذا واحد تحرش او دش البيت يبوق اقعد انبطه لين يروح ههههههههه
ملاك : خبله ههههههههههه
عيسى : واهو يطالعها حلفي الناس وصلوا السجاجين والمسدسات والرنقات وانتي توج للحين اسيور
فطوم : أي الباجي ثقال مالحق اطقه بسجينه ورنق ومسدس الا وانا طايحه على ويهي وانا صراحه ابي نفسي
عيسى : هههههههه يلا يلا روحي نامي باجر مدرسه
فطوم : انزين انا اوريك
قامت فطوم نقزت فوقه وعضت ايده
عيسى :أأأأأأأأأأأأأأأأأأأأأأأأي فطوم وييييييعه قومييييييييييييييييييييييي
فطوم : لااااااااااتيب طاري المدرسه جدامي فاااااااااهم
عيسى : والله والله خلاص بس وخري
فطوم : عبالي
عيسى بصوت خفيف : غبيه
فطوم : شقلت حجي عيسى ؟
عيسى : لا ولا شي قاعد اقول خوش فلم
فطوم : اها
ملاك : يلا فطوم روحي طالعي مابقى شي الساعه 4
فطوم : يؤ نحشه قبل لا امي تقوم تصبحون على خير
الكل : وانتي من اهلى
شربت فطوم ماي وصعدت فوق تكمل نومتها

.................................................. ......

عيسى : انما اختج تحب اطق
شهد : أي ماكو شغل
عيسى : بس ترى طقها يضحك كله عض وتمجع شعر
ملاك : ها عيل شلون تبيها اطق ؟
شهد : أي والله شلون تبيها اطق
عيسى : خل تلف الايد خل تسبب بكسوور خل تشلع ويهي
شهد : لا ولا يهمك بنعطيها كورس بالكراتيه علشان حضرتك ودك تتكسر وينشلع يهك
عيسى : لالا تخافين اصلا من تتعلم هالاشياء ماعرفكم انتو بتتعاقبون عندها كككك
شهد : واي حدك حقير
عيسى : واي صج امبي لا قطيعه ماصدق
ملاك : ويعه مو لايق عليك
عيسى واهو يقلد ملاك : ويعه مو لايق عليك
شهد : ههههههه شنو الي فوق شعرك
عيسى قام : شنووو
ملاك : امبي شكله مو طبيعي اول مره اشوفهم
عيسى واهو يحط ايده بين شعره ويحركه : شنوووووووو خلصوني شنو الي على شعري
شهد وملاك قعدوا مكانهم وحطو ريل على ريل
شهد : خواف
عيسى تفشل وقعد مكانه : لا اصلا كنت اضحك وياكم ليش عاد اخاف من شنو
ملاك : اسأل نفسك
شهد تقوم تقلده تحط ايدها بين شعرها وتحركه :شنو خلصوني شنو الي على شعري
عيسى : يلا عاد قلبي ويهج سويتيني رقله كلش عاد
شهد تساسر ملاك : يعني قايل شي يديد
عيسى : انا شحقه ياي علشان تتساسرون
ملاك : ها سوالف بنات
عيسى : اها انزين يبي الابتوب اهني بدش ايميلي
شهد : هاك
عقب مادش عيسى ايميله استقبل اضافات
شهد : انت مو ضايفني صح
عيسى : لا لا انتي ولا ملاك
شهد : خلاص ضيف
عطته الايميلات وضاف
عيسى : انزين عطيني ايميل فطوم
عطته شهد ايميل فطوم وضافهم
وقعدوا بابكورن وبيبسي وضحك لي الساعه 6 ونص
عيسى : يلا عيل انا بروح البيت جني طولت
شهد : لا تكفى انطر شوف شكل فطوم واهي بلبس المدرسه يضحك
ملاك : عاد تدرين من متى وانا معاكم وولا مره شفتها بلبس المدرسه
عيسى : أي والله ليش ماقعد اشوفها
شهد : شوفو بقولكم كل شي وشوفو صح ولا لا
عيسى : شلون مافهمت ؟
شهد : اسمع الحين تنزل من على الدري وتصارخ وين الريووووق
وصج نزلت فطوم من الدري واهي تصارخ وين الريوق
عيسى طالع شهد مستغرب
شهد : الحين تقعد بنص الدري وتقول مالي خلق اداوم او شي جذي
فطوم واهي قاعده بنص الدري : ياربي ضروري اداوم
شهد : تبوني اكمل ؟
عيسى : لا تكفين لا استخف شعرفج انتي؟
شهد : متعوده عليها كل مره الصبح تسوي فينا جذي هههههههههههه
عيسى : هههههه هالمينونه ماتمل من حركاتها
فطوم واهي تصارخ من الدري : ياربي عيسى انت للحينك موجود
شهد : قومو قومو خل ننخش عنها
راح عيسى تحت الدري وملاك وشهد ورا الغنفه
فطوم واهي نازله : ويييييييينكم
عيسى بقلبه ياربي وقته انخش خل اشوف شلون شكلها بلبس المدرسه اكيد مو نفس الطلعات
طلع عيسى من تحت الدري وخرع فطوم
فطوم : ويعه جم مره اقولك لاتعيد هالحركه
طلعوا شهد وملاك من ورا الغنفه
شهد : ويعه مو قلتلك انخش
فطوم واهي تتخصر : لا والله

فطوم كانت لابسه نفنوف ثانويه قصير تحت الركب بشوووووي وفاله شعرها مسويته كيرلي وبف وحاطه شريطه بيضه ومتعطره بكل عطوراتها ولابسه جوتي سبورت PuMa
وكان شكلها كيوت
عيسى : حرااام بتروحين المدرسه الحين ؟
فطوم واهي تروح تقعد على الطاوله ناطره الريوق : ايييييييي شفيها يعني ماكنت تدرس
عيسى : بلى يوم كنت ياهل
فطوم : ويعه يالشايب ارتحت ؟
عيسى : احسن من الياهل
فطوم : طراق اسكت عني باكل
شهد : اسكت عنها لاتروح المدرسه مرفوع ضغطها مانبيها تغزو المدرسه والابلات هناك ههههههههههههه
عيسى : أي صح خل اسكت
فطوم : انزين يلا وصل الريوق ماتبون تتريقون معاي ؟
عيسى : بلى والله حدي يوعان
كلهم قعدو على الطاوله يتريقون
شهد : غريبه وين امي ؟
فطوم : مادري شفيها اليوم تقول تعبانه مالها خلق
شهد : اها انزين وابوي
فطوم : ابوي امس مارد البيت دق على امي وقايلها عنده شغل ضروري ومايقدر يرد البيت الا ثاني يوم بليل
شهد : اهاااا
ملاك واهي تقوم : يلا انا بروح انام
عيسى وانا بعد خل اروح
قامت فطوم : يلا انا بروح تأخرت السايق برى ناطرني
عيسى : فطوم شرايج اليوم انا اوصلج المدرسه؟
فطوم واهي مستانسه :صج ؟؟؟
عيسى : أي يلا
ركبوا فطوم وعيسى سيارة عيسى الفولكس سوده وكشناتها بربريز ومطول على الاغاني حده
حاط اغنية KiSs مالت كريس براون
وصلها عند باب المدرسه ورفيجتها ناطرتها عند الباب
مريم : جاااااااان مايتي بعد
فطوم : يووووووه يعني شنو ديايه تبيني اكون او وحده مداومه
مريم : لا كا انا مداومه مبجر يعني انا ديايه
فطوم : يوووووه انتي تحبين تناجريني على الصبح سكتي عني وامشي
مريم : انزييين منو هالحلو الي يايبج المدرسه والله نسخت تامر
فطوم استانست بقلبها: هاذا ولد عمي
مريم : شسمه ؟
فطوم : بتخطبينه انتي ؟
مريم : لا علشان اتحلم فيه واكون عارفه اسمه
فطوم : الحمدالله والشكر ههههه اسمه عيسى
مريم : واهي فديته باجر الكيكه بعرسنا مكتوب فيها عيسى ومريم
فطوم : احلام الفقير وايده ههههههههه
مريم : جب يلا امشي نودي اجناطنا فوق قبل لا يبدي الطابور
فطوم : يلا
زينه : ها اشوووف ست الحسن والدلال مداومه اليوم
فطوم صدت عنها
زينه : عساج مارديتي مو ميته عليج
فطوم : زينه ذلفي عن ويهي مالي خلق هوشات اليوم انا يايه مرتفع ظغطي فا طسي عن ويهي
زينه : انتي منو عبالج انا ترى انا مو من رفيجاتج الي مامنهم فايده لا حبيبتي انا زينه اسوي الي ابيه
فطوم : ذلفي نار جهنم شكو فيج انا
مريم : والله مشكله المعجبات يا تحبيني يا اتهاوش وياج
فطوم اضحكت حق مريم ومشوا
زينه تمسك فطوم من جتفها وادزها

مريم رفيجة فطوم من اولى متوسط لي 11 ثانوي
اما زينه يديده هالسنه معجبه بفطوم بس فطوم صارحتها وقالتلها ماتحب سوالف معجبات وزينه معروفه بالهوشات فا يا انج تحبينها مثل ماتحبج وتهاوشين مع العالم او اهي تتهاوش وياج